"'There are fower trumpets,' says he. 'First, a leeteral trumpet;second, a heestorical trumpet; third, a metaphorical trumpet;fourth, a speeritual trumpet.'

"'I've got ye,' a' exclaimed tae masel, and settled doon to hear him onthe first head, for fear he micht hae pints; but wull ye believe me,he barely mentioned leeteral till he was aff tae speeritual, andthen back tae heestorical, an' in five meenuts he had the hale fowertrumpets blawing thegither.

"It wes maist exasperatin', and a' saw Jeems watchin' me--but that'snaethin'.

"'There be many trumpets,' says he, 'oh yes, an' it wes a goodtrumpet Zaccheus heard,' and afore a' knew where a' wes he hedstartit again wi' fower very quite recent heads, as if he had never said trumpet.

"'A huge tree' he cries, 'an' a little man, oh yes, an' this is whatwe will be doin'.

"'First. We shall go up the tree wi' Zaccheus.

"'Second. We shall sit in the branches wi' Zaccheus.